HEADLINE: Duterte administration, napaay iti panangsungbat kadagiti kangrunaan a parikot ti pagilyan
LA UNION – Binabalaw ti naduma-duma a sektor wenno dagiti aktibista idiay probinsya ti La Union ni Pangulo Rodrigo Duterte kalpasan iti State of the Nation Address (SONA) daytoy.
Sigun kenni STOP Exploitation-Ilocos coordinator Lee Biscarra, napaay ti agdama nga administrasyon a sungbatan dagiti kangrunaan a parikot ti pagilyan kas iti agtultuloy a panagrigat dagiti kakailyan, nagraira pay laeng ti panaglakuan ti droga ken dagiti laeng nakukurapay ti matiltiliw, karaman pay ti sidadata a panaglabsing iti karbengan pantao wenno pammapatay.
Kinarit met ni Biscarra ti pangulo a denggen ken kasarita dagiti nakukurapay.
Innayon pay ni Biscarra, a saan a malapdan iti panagrebelde dagiti kakailyan kas ti News People’s Army a nakaiggem kadagiti igam agingga a saan nga agbalin a napudno ti pangulo kadagiti karina a maaddaan ti nasaat a panagbalbaliw ti pagilyan.
