Nagkedked ni sigud a Presidente Rodrigo Roa Duterte nga agkomento iti panangisubmitir ni sigud a Senador Antonio Trillanes IV ti transcript iti Senate testimony na mainaig iti war on drugs idiay International Criminal Court (ICC).
Impalgak ti nalatak a kritiko ni Duterte a ni Trillanes iti X account na a naipatulod nan idiay ICC ti transcript iti hearing ti Senado idi pay Lunes, Oktubre 28 nu sadino ket inaklon ni Duterte dagiti extrajudicial killings (EJK) iti war on drugs na.
Segun kenni Trillanes, nasapsapa metten a naipatulod iti ICC dagiti transcripts ti imbestigasion ti House Quad Committee ken naakseptar amin dagitoy.
Segun met kenni Duterte, awan ti inaramid ni Trillanes no di ket agngawngaw isu a saanna a sungbatan ti maipagarup a panangisubmitir ti dati a senador kadagiti transcript idiay ICC.
Maysa pay, saan pay a timmabuno ni Duterte iti imbestigasion ti QuadComm ken kinunana a kayatna met ti tumabuno ngem inton sumaruno a gundaway.
Naibaga na metten kunana babaen ti testimonia na idiay Senado dagiti saludsod mainaig iti gubat kontra droga.
Immuna a nagparang ni Duterte idi Oktubre 28 iti imbestigasion ti Blue Ribbon Subcommittee.
Pinampanunot ni Duterte no apay a saan pay a nangipila ti Department of Justice (DOJ) iti kaso kontra kenkuana idinto a nabayagen nga agpatpatay isuna iti tao.
