BR LA UNION – Tinakderan iti International Criminal Court (ICC) nga ituloy na nga ipatungpal ti mandato daytoy seknan iti nakatuding a panagusig kenni sigud a Presidente Rodrigo Duterte laksid iti impataw a nalawa a sanksyon ti gobyerno ti Estados Unidos.
Segun kenni ICC President Tomoko Akane, agtultuloy nga usaren ti pagukuman ti sibubukel a bileg na a nawaya ken agbalin a patas, maiyannurot laeng iti linteg ken ebidensya, ken pagimbagan ti adu a biktima dagiti seryoso a krimen.
Naituding ti panagusig kenni Duterte inton Nobyembre 30 idiay The Hague, Netherlands seknan iti kaso a crimes against humanity gaputi kaso a pammapatay iti sidong ti kampanya na kontra iligal a droga.
Inwaragawag ti tribunal ti takder na kalpasan a mangirwar ti baro a panagistrikto ken sanksyon iti administrasyon ni US President Donald Trump kontra iti operasyon ti sangalubongan a pagukuman.
Agtaltalinaed a natibker ti ICC iti tarigagay a maipaayan ti hustisiya dagiti biktima ti war on drugs laksid dagiti panangipit ti kuwarta ken panagpulitikka ti sumagmamano a dadakkel a pagkilwan.
