Nalpasen iti kampania ni Filipina tennis star Alex Eala iti Miami Open kalpasan a napaay iti round of 16 kontra kenni Karolina Muchova.
Dominado ni Muchova, ti agdama a World no. 14, iti laban ken nakairekord ti 6-0, 6-2 a pannangabak, ken ginundawayanna dagiti unforced errors ni Eala.
Napartak a lineppas ti Czech player iti umuna a set iti las-ud ti 22 a minuto ken dagus a nagun-odna ti 2-0 a bentahe iti maikadua a set.
Sakbay ti laban, nangipamatmat ti kinailaing ni Eala kalpasan nga inabakna ni Laura Siegemund iti Round of 64 ken ni Magda Linette iti Round of 32 tapno makastrek iti round of 16.
Kabayatanna, presko pay laeng kenni Muchova iti panagballigina iti Qatar Open no sadino napangabakanna ti maikadua a singles title.###
