BR LA UNION – Posible nga abuten ti sumagmamano pay a bulan ken saan laeng a lawas, iti maisay-sayangkat a search and rescue operations para kadagiti biktima ti nagsaruno a napigsa a gingined a timmama idiay Venezuela.
Segun kenni Elinor Raikes, vice president ken head of program delivery ti International Rescue Committee (IRC), agdama nga agsapsapul ti organisasyon kadagiti alternatibo a wagas tapno mapapartak ti pannakaiwaras dagiti tulong ken essential relief goods.
Daytoy ket kalpasan a nagsagrap ti pagilian iti nasaknap a pannakadadael gapu iti dua a napigsa a ginggined.
Inaklon ni Raikes a dakkel a karit iti panagipatulod ti tulong gapu iti agdama a kasasaad ti imprastruktura idiay Venezuela.
Gapu iti pannakadadael ti kangrunaan nga eropuerto ti pagilian, narigat pay a makastrek kadagiti abasto.
Kadagiti sumaruno nga aldaw, ipamaysa iti grupo ti International Rescue Committee ti panangitulod kadagiti kangrunaan a kasapulan kas iti taraon, nadalus a danum, ken temporaryo a pagdagusan dagiti naapektaran nga umili, kasta met ti panangitulod kadagiti medikal a suplay kadagiti local health facilities.
Kabayatanna, impadamag ti mammanday linteg a ni Jorge Rodríguez a ti death toll wenno bilang dagiti natay ket umaboten iti 1,430 bayat a 3,238 dagiti nadundunor.
Inldawan na ti napasamak a didigra kas “most disastrous event iti napalabas a 123 years”.
