Awan ti naipadamag a damages wenno panakadadael ken aniaman a casualty Chile partikular iti Easter Island, bayat nga agtaltalinaed a naka-high alert iti pagilian para iti posible a tsunami kalpasan ti gingined a timama iti remote east coast ti Russia, idi kalman.
Segun iti mangidadaulo ti Senapred a ni Alicia Cebrián, amin a residente ket na-evacuate a nasayaat isu ta awan ti naireport a panakadadael kadagiti pasdek ken casualties.
Agdama metten nga agdesdesiyon dagiti regional officials seknan kadagiti shelters.
Iti sabali a bangir, para iti kabarwan nga updates, kinanselar metten ti pagilian a Columbia ken Ecuador dagiti imapulog da a tsunami alerts kadagiti Pacific coastal areas, kasaruno ti panagdayyeg ti magnitude 8.8 a gingined partikular iti abagatan a paset ti Russia.
Segun iti disaster risk management agency ti Columbia, awanen ti aniaman a dalluyon iti makadanon kadagiti kosta ti Nariño, Cauca, Valle del Cauca, ken Chocó.
Nupay kasta ket naallukoy dagiti residente nga agtultuloy a sumurot kadagiti direktiba dagiti maseknan nga awtoridad.
Iti met dasig ti Ecuador, kenuna ti Oceanographic and Antarctic Institute a nagsardengen dagiti dalluyon a pinartuat ti gingined ken saanen a pangta iti pagilian, ngem naballaagan a dagiti sumagmamano a lugar ket agtultuloy a makapasar ti apagapaman a panagngato ti sea-level.#
