Nangrugi itay alas 12:00 ti tenga ti rabii ti pannakaipasidong iti Enhanced Community Quarantine (ECQ) maiyannurot iti EO 16-2021 iti sumagmamano a lugar iti Zone 4 ti Barangay Catbangen, San Fernando City, La Union.
Daytoy ket maibasar iti recomendasyon ti City CoViD-19 Inter-Agency Task Force ken City Incident Management Team (IMT) kalpasan nga mailista ti (10) nga active cases ti CoViD-19 iti nasao a lugar.
Ti ECQ ket agpaot iti 14 nga aldaw ken mabalin nga maitantan maibasar iti recomendasyon ti Incident Management Team and City IATF Technical Working Group.
Ti lockdown ket wagas tapno maprebentaran iti panagwaras ti Covid-19 virus kadagiti kabangibang a lugar.
