Nagun-od ti Asian pole vault champion a ni EJ Obiena ti maikasiam a balitok a medalya ita a tawen kalpasan a nakalagto ti 5.82 meters tapno umuna iti International Stadium Festival (ISTAF) Berlin iti Olympiastadion idiay Germany idi Agosto 31, 2026.
Daytoy ti maikapat a panagballigina idiay Berlin, ngem saanna a naartapan iti 5.97 meters iti tallo a panaggandat a koma ket makaipaay kenkuana ti puesto iti World Athletics Ultimate Championship idiay Budapest.
Ti 5.90-metro a clearance-na iti Diamond League idiay Zurich sumagmamano nga aldaw sakbay ti kompetision ti nakaipaay met kenkuana ti tiket iti 2027 World Athletics Championships idiay Beijing, China.
Segun kadagiti report, sumaruno a makisalip ni Obiena idiay Brussels, Belgium, sakbay ti Asian Games idiay Nagoya, Japan a mangrugi inton Setiembre 20.###
