Nagleppas iti maika-siam a puesto ni Filipino pole vaulter EJ Obiena iti World Athletics Indoor Championships 2026 idiay Poland.
Nailista ni Obiena ti 5.70 meters a clearance ngem adayo daytoy kadagiti podium finishers a pakairamananda Mondo Duplantis ti Sweden, Emmanouil Karalis ti Greece, ken Kurtis Marschall ti Australia.
Immuna a nakailista ni Obiena ti 5.5 ken 5.70 ngem napaay daytoy iti maikadua nga attempt ti 5.85.
Malaksid kenkuana ket napaay met ni John Cabang Tolentino a makadanon iti semifinals kalpasan a nagturpos iti maikapat a puesto iti Heat 1 ti 60 meters hurdles ken addaan ti oras a 7.77 seconds.###
