Mangrugin a maipatungpal ti Election gun ban inton April 14 agingga May 21, 2018.
Segun kenni Joefrey Tilang, Election Officer ti Bangar, La Union, sagudayen daytoy ti Comelec Resolution 10197 Rule 2, Section 2.
Nupay kasta, dagiti laeng men in uniformed ti mapalubosan nga agikot ti armas kabayatan ti Election gun ban.
Iti sabali a bangir, maiparit met ti agitugot ti armas iti ruar ti pagtaengan, negosyo ken pampubliko a lugar, panangibyahe kadagiti armas, pampabettak ken dadduma pay a deadly weapons kabayatan ti Election gun ban.
Siasinoman nga aglabsing ti pagalagadan ket maibalod ti 1 agingga 6 a tawen, permante a pannakadiskualipika ti anyaman a posisyon iti gobierno, makanselar ti permit to carry fire arms ken iti lisensya ti paltog.
