LA UNION – “Saan a kasapolan nga adda agsayasay a dara gapu laeng iti election”.
Daytoy iti imbalikas ni sigud a Vice Mayor Ley Boquing, ti ama ti napapatay a ni Sudipen Municipal Mayor Alexander Boquing a nakairamanan iti dua pay nga indibidual, bayat iti ekslusibo a pannakiuman ti Bombo Radyo La Union.
Segun kenni sigud a Vice Mayor Ley, iti kinabayag na iti pulitika idi isuna ti nagtakem, awan ti napasamak a nakaam-ames a iti nasao nga ili.
Mainaig ti daytoy, mamati iti sigud a Bise Mayor nga adda dagiti gangannaet wenno dayo a posible a kayat na ti sumrek iti lugarda ken mangimanehar iti pulitika.
Ngem segun kenkuana, saan na nga ipalubos a mapasamak daytoy ken saan na a kayat a riribok iti agraira iti lugar da.
Kabayatan na, saan met a ninaganan ti sigud a bise-alkalde iti ibagbaga na a maipagarop nga oposisyon ngem adda dagiti maaw-awat na nga impormasyon nga agaw-awis daytoy iti tattao ken maipagarop nga agibum-bunong ti sag-P500 a pisos.
