LA UNION – Arestado iti insayangkat a joint operation dagiti otoridad nga indaulwan ti San Fernando City Police, iti maysa wanted person nga electronic technician gaputi kaso a panaglabsing iti RA 9165 ken RA 10591.
Iti suspek ket nabigbig iti nagan a Rigil Agbunag, 42, addaan asawa, ti Barangay Tanqui, San Fernando City, La Union.
Iti pannaka-arestar ti suspek ket maiyannurot iti dua a search warrant para iti panaglabsing iti RA 9165 ken RA 10591, napetsaan ti June 4, 2019 nga impaulog ni Judge Imelda Cosalan ti MCTC Br1 San Fernando City, La Union.
Iti naisayangkat nga operasyon, nagresulta daytoy iti pannaka-kumpiskar dagiti ebidensiya kas iti sumaganad: maysa (1) plastic sachet ti maatap a shabu; 10 a bala para ti cal. 45; maysa (1) a digital weighing scale; siyam (9) pidaso ti aluminum foil nga addaan ti residue ti maatap a shabu; pito(7) nga improvised tooters a maipagarop nga addaan ti shabu residue; ken 5 a pidaso ti distorted lighters.
Iti suspek ket adda itan iti custodiya dagiti otoridad para iti umno a disposisyon.
