LA UNION – Nagbalin a naannayas iti pakabuklan nga eleksiyon idiay Amerika laksid a timpuar ti sumagmamano nga isyu, kas ti naipadamag a fake bomb threats manipud Russia ken saan a nasayaat a panawen, segun kadagiti opisyal.
Kas ninamnama, naka-aramid manen ti pakasaritaan iti nasao nga eleksiyon idiay Amerika.
Daytoy ket kalpasan a dagiti sumagmamano a dadackel a blue state, a rumbeng a kukua ni Kamala Harris, ket simmuporta kenni US Pres. Donald Trump, maibasar iti resulta ti US Presidential elections.
Iti naisayangkat nga US Presidential election ita a tawen, adda iti pito a battleground state a pakaibilangan ti Arizona (11), Georgia(16), Michigan(15), Nevada(6), North Carolina(16), Pennsylvania(19), ken Wisconsin(10).
Idi 2020 US Presidential Elections, adu kadagitoy ket simmuporta iti Democrats (Joe Biden) a pakaibilangan ti Arizona, Wisconsin, Minnesota, Georgia, ken Pennsylvania.
Ngem iti nagbalin a resulta ti electoral votes count, ad-adu ti nagbotos kenni Trump ita a tawen, a pakaibilangan ti Georgia, North Carolina, ken Pennsylvania.
