Nagballaag ti Embahada ti Pilipinas kadagiti Pilipino idiay Vietnam, partikular iti makin-Amianan a paset ti nasao a pagilian.
Mainaig daitoy iti Bagyong Wipha, international name iti kallabes a Bagyong Crising ditoy Pilipinas.
Kasaruno ti ballaag ket kinuna ti Embahada nga agbalin a vigilante dagiti Pilipino iti nasao a lugar, sumurot iti allagaden dagiti lokal a gobierno, ken saganaan ti aniaman nga epekto ti bagyo.
Mainayon iti dayta ket ti agtultuloy a panagdengngeg kadagiti weather updates ken pannakikoordinar kadagiti lokal nga otoridad para ti panagkiddaw ti tulong.
Kabayatanna, nakaisagana metten ti Embahada kadagiti supply ti taraon, danum, agas, ken personal a pagkasapulan a maipadanon kadagiti Pilipino a maapektaran ti bagyo.
