LA UNION – Maipagarop nga aware iti Embahada ti Estados Unidos ditoy Pilipinas iti damage ken posibilidad a mabalin a natayen iti American vlogger a ni Elliot Eastman.
Segun iti embahada, naki-koordinar dan iti Philippine National Police para iti dadduma pay a napapateg nga impormasyon.
Maipalagip a nadukot ni Eastman idiay Zamboanga del Norte babaen kadagiti maatap a miyembro ti Abu Sayyaf idi bulan ti Oktubre.
Immunan nga imbaga ti PNP a mabalin a natayen iti vlogger maibasar iti salaysay iti iggem da a suspect.
Maipagarop a nagsagaba ti vlogger iti tama ti bala iti bagi na, a nakaigapwan ti pannakatay na.
Saan metten a nangipaay iti kanayunan a komento iti US embassy seknan iti nasao nga isyu.
