Nagakdaar ti Department of Social Welfare and Development (DSWD) iti publiko a fake news ti agwarwaras a text messages a nagkuna a makaawat ti Emergency Cash Transfer (ECT) dagiti naapektaran ti nalawa a panagudo ken panaglayus idiay Metro Manila gapo paylaeng iti napapigsa nga Habagat.
Iti Emergency Cash Transfer ket maipapaay kadagiti pamilya ken indibidwal a nakailista ti partially ken totally damaged a balay kasta met a nakaro nga apektado iti didigra, kas maibasar iti assessment ti DSWD ken dagiti lokal a gobierno.
Kinuna iti DSWD a saan da a mangipabpablaak online wenno babaen kadagiti links iti text messages para kadagiti makaawat iti pinansyal a tulong.
Imballaag ti ahensya a saan a basta basta nga agclick wenno mangpindot kadagiti nasao a links agsipud ta dagitoy ket manipud kadagiti agpampammarang a kameng iti DSWD.
Kabayatanna, para iti umiso nga impormasyon mainaig kadagiti programa ken serbisyo ti ahensya ket bisitaen laeng iti official social media channels da.
