Dagus a naiyakar ni US President Donald Trump agraman ti sumagmamano a kameng ti administrasionna manipud ti White House Correspondents Association (WHCA) dinner iti tengnga dagiti agwarwaras a report ti panagputok ti paltog iti lugar.
Segun iti inisial nga impormasyon, adda ti kellaat a tension iti venue isu a nangipatungal ti emergency protocols ti security detail-na tapno alisto a maiyadayo ti Presidente ken ti gabinetena iti posible a peggad.
Agtultuloy iti panagkumpirma ti Secret Service ken dagiti lokal nga otoridad no adda ti aktual a pammaltog a napasamak iti asideg ti lugar ken no adda dagiti naipadamag a nasugatan wenno natay iti insidente.
Ti WHCA dinner ket tinawen a dakkel a panagtitipon idiay Washington a tinabunuan dagiti press members a nakadestino iti White House, agraman dagiti nalatak a personalidad, ken dagiti nangato nga opisial ti gobierno.
Gapu iti kaadda ti “Chief Executive” ken dadduma pay a VIP, nainget a maipatpatungpal iti kangatuan a lebel ti seguridad iti event.
Iti agdama, ur-urayen dagiti reporters dagiti kanayonan nga official statement manipud iti White House ken kadagiti law enforcement agencies maipapan iti sitwasyon.###
