Naideklaran kas “endangered” manipud iti sigud a “near threatened” iti Emperor penguin kalpasan ti kumarkaro nga epekto ti climate change a pangta iti kinatalgedda, segun ti International Union for Conservation of Nature (IUCN).
Segun kadagiti eksperto, mangnamnama iti Emperor penguin ti natibker a sea ice idiay Antarctica para iti panagbiag, panagtiliwda ti taraun, ken panagpaado.
Malaksid iti emperor penguin, paset iti “endangered” category ti Antarctic fur seal kalpasan a bimmaba ti populasyonda ti nasurok 50% sipud idi 1999.
Nagpakdaar dagiti eksperto a no agtultuloy iti panagbara ti lubong ken panagbassit ti sea ice, mabalin a naan-anay a mapukaw dagiti emperor penguins iti wilds sakbay a malpas ti siglo.###
