LA UNION – Kinumpirma iti lokal a gobyerno ti ili a Rosario, La Union babaen kenni Mayor Bellarmin Flores a maysa nga empleyado ti Provincial Capitol ditoy San Fernando City, La Union iti nagpositibo iti sakit a Covid 19, base iti resulta ti RT-PCR test daytoy a nairuar idi Pebrero 17.
Iti nasao a pasyente (RP55) ket maysa a babai, 44-anyos, residente ti Purok 7, Barangay Tabtabungao, Rosario, La Union naaddaan ti exposure iti katrabahuan na a COVID 19 positive ken asymptomatic.
Iti agdama, naka-isolate ken matamtaming ni RP55 idiay Rosario District Hospital.
Kabayatanna, nagtignay metten ti Local Contact Tracing Team tapno amwen dagiti nakapolapol ti nasao a pasyente ket maipasidong iti quarantine measure ken maamiris kontra iti nasao a sakit.
Addaan ita ti 3 aktibo a kaso ti covid 19 iti ili a Rosario.
Kabayatanna, adda iti pakabuklan nga 118 active cases ditoy probinsiya kalpasan a nainayon iti 21 a baro kaso idi Pebrero 17, 2021.
