LA UNION – Bimmaba ti employment rate iti intero a Region One ita a tawen.
Segun kenni Labor Regional Dir. Nathaniel Lacambra, iti 93.2 percent nga employment rate idi January 2016 ket nagbalin a 91.3 percent idi January 2017.
Iti met 6. 8 percent nga unemployment rate idi 2016 ket nagbalin nga 8.7 percent ita a tawen; ken 20.4 percent nga underemployed ita a tawen manipud iti 16. 21 percent idi 2016.
Nupay kasta, impanakkel ni Lacambra nga iti pay laeng rehiyon uno iti addaan ti kangatuan nga employment rate nu ikumpara iti dadduma a rehiyon ditoy pagilian.
