LA UNION – Kagiddan ti pannakarambak ita nga aldaw iti maika-156 a kasangay ni Dr. Jose Protacio Rizal ket sipapannakkel nga imparang kadagiti netizens dagiti stamp collections nga adda pakainaiganna iti nailian a bannuar.
Iti pannakiuman ti Bombo Radyo ken ni Engr. Joseph Dumuk, kinunana nga ita nga aldaw met laeng ti kasangayna a nairana iti birthday ni Rizal.
Segun ken ni Dumuk, iti pannakalagip ti maika-69 tawenna ket imbinglayna dagiti stamp collections daytoy iti bukodna a Facebook account kas pammigbig iti bannuar nga idolona.
Kabayatanna, imbutaktak ni Dumuk a ti orihinal a naganna ket Jose Protacio a kas ken ni Dr. Rizal, ngem nagsukat iti nagan tapno nalaklaka ti panagsuratna.
