Naan-anayen nga inabsuelto ti Sandiganbayan ni Juan Ponce Enrile, sigud a Senate President ken agdama a Chief Presidential Legal Counsel, iti kaso a graft mainaig iti kontrobersial a pork barrel scam.
Pinasingkedan da daytoy babaen ti inruar da a resolusion.
Malaksid kenni Enrile, naabsuelto met ti sigud a chief of staff na a ni Gigi Reyes.
Maipalagip nga idi 2015, pinalubusan ti Korte Suprema ni Enrile nga agpiyansa gapo iti ‘humanitarian reason’, maysa a kontrobersial nga adda nga insurat ni sigud a Chief Justice Lucas Bersamin.
Ti motion for reconsideration, impaganetget dagiti taga-usig iti testimonya dagiti kangrunaan a saksi nga isuda Benhur Luy ken Ruby Tuason, ngem tinakderan ti Sandiganbayan a kurang iti ebidensia tapno mapaneknekan iti panagkukumplot ken panangsayang ti pondo a kasapulan iti maysa a kaso ti plunder.
Gapo iti panaka-absuelto ni Enrile, kumpleton iti trio dagiti sigud a senador nga nairaman iti pork barrel scam ngem naabsuelto a buklen da sigud a Senador Bong Revilla ken Senador Jinggoy Estrada.
Kadakuada a tallo, ni Enrile laeng iti saan a naibalud ken naipasidong laeng iti hospital arrest sakbay a naipaayan ti temporario a panakawayawaya.
Iti agdama, adda iti ospital ni Enrile ken naka-monitor laeng babaen ti video conference.###
