Bimmaba iti bilang dagiti turista idiay San Juan ita a panawen ti panagtutudo kasaruno iti epekto ti Habagat ken dagiti dadduma pay a weather systems.
Kas resulta, naapektaran met iti birok dagiti negosyo karaman dagiti surfing schools ken dadduma pay a tourism-related establishments.
Segun kenni Analyn Cabansag manipud Nano Surf School, saan nga inaldaw nga adda iti agrenta ti surfing boards gaputa nakadependir iti operasion iti sasaaden ti panawen.
Agbalor ti ₱600 tunggal oras iti surfing board renta nga adda ti kadwa nga instructor.
Iti agdama, nasayaat iti kasasaad ti panawen isu nga agtultuloy iti panangallukoy dagiti negosiante a gundawayan daytoy, ken adda dagit ahensia a mangpatpatalged iti segururidad ti publiko.
