Nangiruar iti ballaag ti Energy Regulatory Commission (ERC) a mangibilbilin kadagiti distribution utilities (DUs) kadagiti lugar a nakaipasidong ita ti State of Calamity gapo kadagiti Bagyong Crising, Dante, Emong, ken ti napapigsa pay nga Habagat a suspindiren ti panagputed ti kuryente para kadagiti residential ken non-residential consumers manipud Hulyo 19 agingga Agosto 31, 2025.
Nabilin pay dagiti Distribution Utilities a mangidiaya ti flexible payment schemes tapo tulongan dagiti apektado a konsumer. Mapalpalubosan dagiti agkonkosumo ti saan a sumurok ti 100 kilowatt-hours tunggal bulan nga itantan paylaeng ti panagbayad da ken mabalin da daitoy a bayadan ti hulogan iti las-ud ti tallo a bulan manipud iti pannakaawat da ti electric bill.
Karaman pay iti binilin ti ERC ket dagiti generation companies ken dadduma pay nga energy sector entities kas iti Power Sector Assets and Liabilities Management Corporation, National Power Corporation, National Transmission Corporation, National Grid Corporation of the Philippines, Independent Power Producer, Independent Power Producer Administrators, ken Market Operators a mangipatungpal da met ti proportionate staggered payments kadagiti distributors.
Malaksid iti dayta ket pinaregta met ti ahensya dagiti adda kabaelan da nga agbayad a bayadan lattan iti electric bill da ti umiso nga oras.
