Inlawlawag ti aktor a ni Eric Fructuoso a gayyem na laeng iti aktres a ni Kim Molina.
Segun kenni Fructuoso, masansan nga agkakadua dagitoy gapu ta aginnasideg ti balayda, agpada a pagay-ayat iti health lifestyle, ken adda iti sidong ti maymaysa a talent manager.
Innayonna a kasla anak ti panangtratona kenni Molina gapu ta agpada ti kababalin daytoy ken ti anakna.
Kinunana pay a masansan nga agbonding-da kadua ti broadcaster a ni Mark Manicad.
Idi napagsaludsodan no isu ket maysa a babaero, ang-angaw na a kinunana nga isu ket saan a babaero no di ket “marupok” laeng.###
