BR LA UNION – Inyanunsyo ni Senate Presiding Officer Chiz Escudero iti pormal nga iskedyul ti impeachment trial, mangrugi ita a bulan ti Setyembre ken agtultuloy agingga Oktubre sakbay a temporaryo a suspindiren tapno ipaayan-dalan ti panagdengngeg iti gakat a national budget.
Segun kenni Escudero, maisayangkat ti impeachment trial manipud Setyembre 8 agingga 30, manipud alas-10:00 ti agsapa agingga alas 2:30 ti malem, kalpasanna, maituloy iti legislative sesyon ti senado.
Kabayatanna, agbalin a whole-day dagiti panagdengngeg kadagiti sumaganad a petsa inton Oktubre: 1,2,5,6,7,8,9,12,13,14, ken 15 wenno 11 nga aldaw a whole day trial.
Kalpasanna, masuspinde ti impeachment trial manipud Oktubre 16 agingga Nobyembre 18 para met iti panagdengngeg iti proposed 2027 national budget.
Kabayatanna, kiniddaw ti prosekusyon nga itantan pay laeng ti panagdengngeg iti impeachment trial ita nga aldaw ti Miyerkoles, Setyembre 9.
Daytoy ket tapno maipaayan ti naan-anay nga oras ti agsumbangir a benneg para iti proseso ti panangmarka ken panangisagana dagiti ebidensya nga usaren iti panagusig.
