Inpaganetget ti United States Central Command a silulukat pay laeng ti Strait of Hormuz ken saan a kontrolado ti Iran iti sibubukel a pagdalyasatan.
Segun kenni CENTCOM spokesperson Captain Tim Hawkins, natulungan dagiti puersa ti Estados Unidos dagiti commercial vessels a mangibiahe ti nasurok 900 a milion a bariles ti krudo babaen ti Strait sipud pay iti umuna a paset ti Mayo.
Nasurok a 100 a barko iti in-redirect ti U.S. military mainaig iti blockade ken nakumpleton iti pannakaikkat ti mina kadagiti kangrunaan nga international shipping lanes.
Nupay kasta, agtalinaed a tensionado iti sitwasion ken adda ti nagduma a waragawag iti Estados Unidos ken Iran maipapan iti panangkontrol ken kinatalged ti napateg a ruta pangbaybay.###
