Inyakar ti Estados Unidos dagiti amin a long-range bomber da manipud Royal Airforce Fairford idiay United Kingdom pasubli kadagiti home stations da idiay America gapo iti saan pay a madakamat a baro a pangta, segun iti nangato nga opisyal da.
Napasamak daitoy sumagmamano nga aldaw kalpasan nga arestaren dagiti otoridad sadiay Britanya dagiti indibidwal a nainaig iti Iranian plot a target ti airbase, nu sadinno ket nakapuesto dagiti bombers.
Inladawan iti maysa a source a pamilyar iti insidente daitoy a baro a pangta kas “real world incident.”
Segun kenkuana ket saan a normal para iti US military nga isubli dagiti bombers da iti home stations, imbes nga iyakar dagitoy iti sabali a base iti rehiyon.
Kabayatanna, awan pay met iti komoento manipud iti UK Ministry of Defense mainaig iti pannakaiyakar dagiti US Bombers.
