Nangiyusuat manen ti Estados Unidos ti airstrikes kontra Iran, segun ti U.S. Central Command. Naipadamag a pinuntiria ti operasion dagiti pasilidad a maus-usar a mangraut kadagiti komersial a barko idiay Strait of Hormuz.
Impadamag ti Iran a natamaan dagiti sumagmamano a lugar a pakairamanan ti Qeshm Island ken Bushehr, bayat a bimmales daytoy kadagiti barko ti naval ti America iti Strait of Hormuz. Dua a tripulante ti natay, bayat a nadadael ti maysa a Norwegian oil tanker ken maysa a barko panggubat ti Kuwaiti.
Iti tengnga ti kumarkaro a tension, inwaragawag ti Estados Unidos a saan nga ipatungpal ni Presidente Donald Trump iti plano a toll fee iti Strait of Hormuz ket imbes ketdi, ipamaysana dagiti katulagan iti panagtagilako.
Nagpakdaar met ni Israeli Prime Minister Benjamin Netanyahu a dagus nga agibales no rauten ti Iran ti Israel.###
