Binallaagan ti Estados Unidos dagiti staffs ti embahada da idiay Israel nga agbakwit a madagdagos.
Daitoy ket kasaruno ti posible a panagraut ti Israel idiay Iran gapo ti kumarkaro a tensyon ti saritaan-nuclear.
Segun kenni US Ambassador to Israel Mike Huckabee, awan iti rumbeng a pagdanagan agsipud ta panggep da laeng a masigud ti aniaman a posible a mapasamak.
Pinalubosan metten ti US State Department dagiti non-emergency staff ken kakabagian da a pumanaw idiay Israel para ti kinatalged dagitoy.
Naan-anay metten a pinagbakwit ti United Kingdom of Great Britain and Northern Ireland dagiti staffs da manipud Tehran, Iran gapo iti pangta a panagbomba ti Estados Unidos.
Mainaig kadaitoy, agpapada a pinagbawit ti India, China, ken Canada dagiti umili da idiay Iran kasta met a sagsaganaan dan ti panagdepensa.
Nakaposisyon itan dagiti aircraft carriers ti Estados Unidos asideg ti kabaybayan ti Iran.
