Panggep ti Estados Unidos nga iringpas inton Martes wenno Mierkoles, oras idiay America, iti maysa a katulagan a mangipalubos iti pannakalukat manen ti Strait of Hormuz, segun ken ni U.S. Treasury Secretary Scott Bessent.
Kinunana, panggep ti katulagan a maisubli iti nawaya a panaglayag dagiti commercial vessel iti maysa kadagiti kapatgan a ruta dagiti barko iti lubong.
Agtultuloy iti negosasion ken namnamaen ti Estados Unidos a maisubli ti “freedom of movement” iti nasao ruta pangbaybay nga awan ti maipataw a toll wenno bayad kadagiti lumabas a barko.
Kasaruno ti rakurak na, bimmaba iti presio ti krudo bayat a ninamnama dagiti merkado a marisut iti tension ken malukatan manen ti Strait of Hormuz.
Nupay kasta, impaganetget ti Iran nga awan ti direkta a negosasion da iti Estados Unidos. Segun ken ni Iranian Foreign Ministry spokesperson Esmail Baghaei, ti agdama a saritaan ket adda laeng iti nagbaetan ti Iran ken Oman tapno pagsasaritaan ti natalged a panaglabas dagiti barko, ken saan a direkta a negosasion iti Washington.
Innayonna a temporario laeng ti aniaman a katulagan ken agpannuray iti nalawlawa a kasasaad ti seguridad iti rehion.###
