Agtalek ni Senador Jinggoy Estrada nga awan ti panaglablabes nga inaramid ti Senado kalpasan a napatawan ti contempt ni sigud a DPWH Engineer Brice Hernandez.
Iti statement ni Estrada ket kasaruno ti pammilin ti Pasay City Regional Trial Court nga agsubmitir ti sungbat iti Senado mainaig iti writ of amparo nga impila ni Hernandez.
Segun ti senador, maiyannatup iti constitutional mandate ken jurisdiction ti Senado iti panangipataw ti dusa kadagiti agul-ulbod a resource person iti panangdingeg.
Napateg a takderan ti Senado iti bileg daytoy tapno mapagtalinaed iti integridad dagiti imbestigasyon ken mataripato iti interes ti publiko.
Innayon na pay, saan a daytoy iti umuna a gundaway a nagpakulong iti Senado dagiti na-cite in contempt ti Blue Ribbon Committee, kas iti kasi ni Jean Arnault idi 1950s, ken ni sigud a Customs Commissioner Nicanor Faeldon ken Linconn Ong iti imbestigasion seknan ti Pharmally.###
