LA UNION – Sumangsango ita ti kaso a panaglabsing ti Comprehensive on Dangerous Drugs Act ti maysa nga estudyante a naaresto gapu ti maipagarup a panaglakona ti droga idiay Barangay Lingsat, syudad ti San Fernando, La Union.
Nabigbig ti suspek a ni Mark Henry Candelario, 18, residente ti Barangay Salcedo, ili ti Luna, La Union.
Naammuan ti Bombo Radyo manipud ti San Fernando City Police Office, nakompiskar manipud iti ikot ti suspek iti maatap a marijuana a nakabalkot ti papel, P500 a buy bust money ken ti maysa a cellphone.
Maipagarup nga inaklon ti suspek nga adda ti nangipalako kenkuana ti nasao a droga.
Agtultuloy met ti imbestigasyon ti pulisya tapno maammuan ti maipagarup a supplier a nangalaan ti suspek iti droga nga ilaklako daytoy.
