LA UNION – Nabagsol iti luppo iti maysa a 24-anyos nga estudyante kalpasan a timpuar ti saan da a panagkinna-awatan iti suspek, a pada na met laeng nga estudyante, idi nagrana da iti comfort room.
Napasamak ti insidente iti uneg ti maysa a boarding house idiay Barangay Lingsat, San Fernando City, La Union.
Iti biktima ket managan Jose Lorenzo Crisiling, 24, residente ti Barangay Pacdal, Tuba, Benguet.
Iti met suspek ket nabigbig iti nagan a Joshua Maglacbaya, 24, baro, residente ti Santiago Norte, Bauang, La Union.
Saan met a nalawag nu anya ti nagsinnungbatan dagitoy ngem iti biktima ket bisita laeng iti nasao boarding house idinto a ti suspek ket boarder.
Naiturong ti biktima iti city health and wellness center para iti pannakataming iti bagsol iti kattigid a luppo daytoy.
Iti met suspek ket adda itan iti custodiya ti San Fernando City Police Station.
Naamwan ti Bombo Radyo, a desidido iti biktima nga idatagan ti kaso iti suspek, a maipagarop nga adda iti impluwensiya ti arak idi mapasamak ti insidente.
