NAGUILIAN, La Union – Dead on arrival iti ospital ti maysa a 16-anyos high school student kalpasan a malmes iti karayan idiay Barangay Lower Bimmotobot, ili ti Naguilian, La Union idi malem kalman.
Nabigbig ti biktima a ni Charles Ivan Guib, residente ti Barangay Santiago Norte, syudad ti San Fernando, La Union.
Naammuan ti Bombo Radyo manipud iti Naguilian Police, kadwa ti biktima iti pamilyana a nagpi-picnic iti nasao a karayan.
Nalmes ti biktima a nagdigos iti nauneg a paset ti kayaran.
Dagus met a naiturong idiay ospital ti biktima ngem napaay dagiti doktor a maisalakan ti biag daytoy.
