BR LA UNION – Ballaygi a naiyawid ni Filipino Olympic bronze medalist Eumir Marcial iti bakante a WBC International middleweight title
kalpasan a pinarmek na ni Eddy Colmenares ti Venezuela iti co-main event ti maika-50 nga anibersaryo ti Thrilla in Manila idiay Araneta Coliseum idi kalman, Oktubre 29.
Nagun-od na iti majority decision kalpasan ti 10-round a laban.
Nakapadas ti pannubok ni Marcial agsipudta namindua a natumba , immuna iti round 3 ken maikadwa iti round 10.
Ngem iti nabatbati a segundo ti last round ket dagus a bimmangon ni Marcial ket pinaramanan na ti nagsasaruno a danog iti Venezuelan boxer.
Maysa a hurado ti nangipaay ti 94-94 a puntos bayat a dua ti 95-93 a pimmabor kenni Marcial tapno magun-od na ti bakante a WBC international middleweight title.
Dimmur-as pay iti record ni Marcial nga addaan ti pito a panangabak ken awan ti abak na, ken uppat a knockouts bayat a ni Colmenares ket addaan 11 a panangabak ken tallo a pannaka-abak, ken 11 KO.
