Nagpanawagan iti European Union kadagiti Houthis nga isardeng dagiti amin a military operations kalpasan a kinondenarda dagiti panagatake ti grupo idiay Yemen ken Saudi Arabia, agraman iti gandat a panangraut nga impadamag ti Riyadh maibusor iti Mecca idi Setiembre 15, 2026.
Segun kenni EU Foreign Affairs spokesman Anouar El Anouni idi Huebes, Setiembre 17, saanda a maawat iti panangpuntiria kadagiti sibilian ken imprastruktura, bayat nga inyebkasda iti naan-anay a pannakikaykaysa iti Saudi Arabia.
Kenuna dagiti autoridad ti Saudi, na-intercept dagiti air defenses-da iti maysa nga Houthi drone iti abagatan ti Mecca sakbay a simrek daytoy iti estricted airspace ti nasantuan a siudad; nupay kasta, inlibak dagiti Houthi a ti Mecca iti puntiriada.
Kabayatanna, inbaga ti EU a dagiti agtultuloy a panagraut ket mangapektar iti posibilidad ti nakapia a solusion idiay Yemen ken mangpakpakaro iti pangta iti seguridad ti rehion.
Sumagmamano a pagilian iti Gulf, agraman ti Kuwait ken Bahrain, iti nangiyebkas met ti panangkondenar ken pannakipamaysada iti Saudi Arabia.###
