LA UNION – Imbutaktak ti Philippine Amusement and Gaming Corporation (PAGCOR) a ginandat iti maysa a sigud a Cabinet official a bumallaet tapno maipaayan ti gaming license iti sumagmamano a Philippine Offshore Gaming Operators (POGOs) a na-raid itay nabiit ken nadiskubre a karaman iti ilegal nga aktibidad.
Ngem saan pay a ninaganan ti ahensiya nu siasino dayta a sigud nga opisyal, malaksid iti imbaga na a sigud a miyembro ti Gabinete.
Nakatuding a naganan ti PAGCOR chief iti proper forum nu siasino ti sigud a Cabinet member a nag-lobby wenno agus-usar ti kuwarta tapno impluwensiyaan ti gobyerno para iti operasyon ti ilegal a POGO a nagbanag iti panagsaknap ti illegal ken criminal offshore gaming operations.
Mainaig ti daytoy, imbaga ni PAGCOR Chairman and CEO Alejandro Tengco a rumbeng nga imbestigahran dagiti otoridad iti papel ti sigud nga opisyal iti panagiyisyu ti lisensiya iti POGO applicants nga addaan ti mapagdu-dua-an a background.
Kas regulator, impaganetget ti opisyal a mandato da a siguradwen a dagiti laeng addaan ti valid a lisensiya iti palubosan nga ag-operate ti gambling ken gaming activities.
