LA UNION – Naisubli iti pagbaludan iti maysa nga ex-detainee kalpasan a naminsan manen nga inaresto dagiti otoridad iti naisayangkat a buy bust operation ditoy syudad ti San Fernando.
Iti suspek ket managan Jefferson Garcia, 31, agab-abang iti maysa a balay iti Barangay San Francisco, San Fernando City, La Union.
Nakumpiskar iti ikot ti suspek iti uppat a transparent plastic sachet a mapapati a naglaun ti shabu ken maysa a 500 peso bill a buy bust money.
Naamwan ti Bombo Radyo La Union a karuruar ni Garcia iti city jail idi Disyembre 7, 2016 gaputi kaso a panaglabsing ti R.A. 9165 wenno Comprehensive Dangerous Drugs Act of 2002.
Iti agdama, maisag-sagana iti kapada met laeng a kaso a maidatag kontra iti nadakamat a suspek.
