Nakaruaren ni sigud a Department of Public Works and Highways (DPWH) Secretary Manuel Bonoan manipud iti Philippine National Police (PNP) General Hospital.
Daytoy ket kalpasan nga inikkan isuna ti doktor ti clearance a mabalinen a madischarge.
Idi kalman, kalpasan a naipaulog ti arrest warrant ti sigud a sekretario manipud iti Sandiganbayan gapu iti kaso ti plunder ket kellaat a ngimmato ti blood pressure-na isu a naiturong iti PNP General Hospital.
Pasado ti ala-una ti malem, Hunio 2 idi makaruar ti sigud a sekretario manipud iti ospital.
Umuna a maiyeg daytoy iti Sandiganbayan para iti return of warrant ken mabalin met nga agtultuloy ti panagdar-ay na iti arraignment.###
