Agtultuloy nga agpapaimbag ni sigud a New York Mayor Rudy Guiliani kalpasan ti mairaman iti aksidente.
Segun iti New Hampshire State Police, nadungpar iti likudan a paset ti lugan ti sigud a mayor.
Dagos isuna a naiturong iti pagagasan ken nadiagnosed ti fractured thoracic vertebrae, sumagmamano a garunyad, sugat, ken injury iti makin-kattigid a takiag ken luppo.
Sakbay iti aksidente ket pinara isuna ti maysa a babae a biktima ti kinaranggas, ken napasamak iti insidente bayat nga ur-urayen da a rumesponde ti 911 emergency.
Malaksid iti sigud a mayor ket adda dagiti dua a sabsabali pay a naiturong iti pagagasan.
Nagyaman met iti anak ni Giuliani a ni Andrew gapo iti panangkumusta iti kasasaad sigud nga alkalde.###
