LA UNION – Kinemmeg dagiti otoridad iti maysa nga ex-OFW a maibilang a Top Most Wanted Person iti municipal level idiay Bangar, La Union.
Babaen iti nagtipon a puwersa dagiti otoridad, nakemmeg ti suspek idiay Gerona Tarlac, alas 10:00 idi bigat kalman (Nobyembre 25) maiyannurot iti warrant of arrest, napetsaan ti August 15, 2015 nga impaulog ni Judge Manuel Aquino manipud Regional Trial Court Br 34 idiay Balaoan, La Union.
Nabigbig ti suspek a ni Camilo Cruz, 31, baro, maysa a sigud nga OFW, residente ti Luzong Norte, Bangar, La Union ken maipagarop a napan naglemmeng idiay Tarlac iti nasurok uppat a tawen.
Base iti report, iti suspek ket addaan ti kaso a panagrames in relation to RA 7610 wenno child abuse.
