LA UNION – Pimmusayen bayat a maag-agasan iti Ilocos Training and Regional Medical Center (ITRMC) ti maysa a sigud nga OFW a binagbagsol ti dua a lallaki idiay Barangay Pagdaraoan ditoy siudad ti San Fernando.
Nabigbig ti biksima a ni Jovito Bucasa, 55-anyos, residente iti nasao a barangay.
Iti pannakiuman ti Bombo Radyo iti anak ti biktima a ni Juvy, inlanadna a maysa kadagiti suspek a ni Greg Barbadillo ti nangbagbagsol iti amana bayat a tengtenglen ti maysa pay a suspek a ni Joseph.
Dinakamatna pay a saan nga am-ammo ni Bucasa dagiti suspek a maipagarup nga agab-abang iti balay nga asideg iti pagtaengan ti biktima.
Dagus met a naitaray ti biktima iti ospital ngem natay met laeng.
