LA UNION – Inaklon mismo ni sigud a Presidente Rodrigo Roa Duterte iti maika-11 a panagdengngeg ti Quad Committee ti Kamara nga immabot iti punto a nagimula ti ebidensiya iti maysa a maatap a kriminal idi panawen nga isuna ti Mayor idiay Davao City.
Inaramid ni Duterte ti panangaklon iti maudi a paset ti question and answer ti co-Chairman ti House Quad Committee a ni Santa Rosa Lone Dist. Rep. Dan S. Fernandez, nga inlibak na idi immuna, ngem inaklon met laeng ti sigud a Presidente, kalpasan a naipakita kenkuana iti maysa a video footage ti napasamak nga interview kenkuana idi 2016.
Nupay kasta, ingkalintegan ni Duterte a ti panagimula ti ebidensiya ket paset laeng ti estratehiya kas Mayor ken leader ti maysa a law enforcement agency.
