BR LA UNION – Imbinglay ni Vice President Sara Duterte iti kasasaad ti ama na a ni sigud a Presidente Rodrigo Duterte.
Idi rabii ti Martes, oras ditoy Pilipinas, sinarungkaran ti bise presidente ti amana.
Kinunana nga adda pay laeng iti uneg ti pasilidad ti International Criminal Court (ICC) ken saan pay a naiyakar iti naituding a kuwarto na.
‘High-spirit’ kunana ti ama na ken mang-mangan ti husto gaputa adda maidas-dasar nga innapoy.
Agtultuloy met ti pannakitaripnong ti bise presidente kadagiti abogado ti ama na sipud naiturong idiay The Hague, Netherlands.
Maipalagip nga idi Marso 12, naaresto ti sigud a presidente gapu iti crimes against humanity gapu iti nadara a kampanya na kontra iti illegal a droga bayat ti terminona.
