LA UNION – Pinaglibakan ni Senator Christopher Go iti nagwaras a damag online a pimmusayen ni sigud a President Rodrigo Duterte.
Idi kanikadwa nga aldaw a nagwaras dagiti video a naglaun iti parparbo nga istorya seknan iti maipagarop nga ipupusayen ti sigud a president, a nakaalarmaan ti sumagmamano a netizen.
Ngem iti video nga inruar ni Sen. Go a nagserbi kas special assistant ti sigud a Presidente, a sibibiag ken napigsa pay laeng ti dati a presidente.
Makita pay iti video a kadua ti Senador ti dati a Presidente nga agdama nga adda iti balayna a nakarelaks kalpasan a nagretiro iti politika.
Kinuna met ti dati a Presidente a lakayen ket saan a maliklikan nga agsakit.
Agtawen ni Duterte iti 79 ita a tawen ken isuna ti maibilang a kalakayan a nag-presidente ti Pilipinas idi agtawen ti 71.
Kabayatanna, binalakadan ti Senador dagiti Pilipino nga agannad kadagiti peke a damag.
