LA UNION – Nagsagaba ti dunor ni sigud a US President Donald Trump kabayatan ti campaign rally na idiay Pennsylvania idi Sabado.
Daytoy ket kalpasan a nang-ngegan ti sumagmamano a kanalbuong, a kaun-uni ti paltog.
Dagus nga inarayat isuna ti US Secret Service ket imbaba da daytoy nga adda dara iti rupa ken lapagay na, manipud iti podium.
Iti video footage makita nga intag-ay na pay laeng ti ima na idi ibaba isuna ti Secret Service agents.
Saan a makumpirma nu kanalbuong dayta ti paltog.
Agtultuloy iti imbestigasyon dagiti otoridad ken awan pay met iti naaresto a responsable iti insidente.
