Paset itan ti Global Anti-Scam Alliance ti Executive Director ti Cybercrime Investigation and Coordinating Center a ni Alexander Ramos.
Napili ni Ramos kas Keynote Speaker iti maisayangkat a Global Anti-Scam Summit a maangay inton Marso 26 ken agpaut agingga Marso 27 sadiay London.
Binigbig pay ti nasao nga alyansa ti opisyal kas runner-up iti Scam Fighter of the Year 2025.
Manamnama nga ibinglay ni Ramos kas Keynote Speaker dagiti nagbalin a kapadasan na kadagiti panangisayangkat na ti imbestigasyon.
Eksperto ti nasao nga opisyal ti panangipatungpal kadagiti polisiya nga adda pakainaigan na ti panaglaban kontra cybercrimes.
Impasiguro na met nga aramiden na ti amin nu kasta ket masalakniban dagiti umili manipud kadagiti nagduduma a klase ti scams.
