Epektibo ita nga aldaw iti pannakaipatungpal ti Executive Order No. 16 series of 2021 nga pinirmaan ni San Juan La Union Mayor Arthuro Valdriz.
Lalaunen ti EO ti lima nga aldaw a lamay ken masapol a negatibo ti bangkay iti Covid 19; pannakaipawil ti panagsugal iti lamay; nainget nga pannakaipatungpal ti curfew hour manipud 10pm-5am ngem mailaksid ditoy dagiti frontliners; maipalubos iti panag-videoke iti Biyernes ken Sabado manipud alas 9am-10pm idinto a 9am-9pm iti aldaw ti Domingo ken masapol nga ti uneg laeng iti balay.
Malaksid iti daytoy, maipalubos metten iti panglako ti arak ngem maipawil ti uminom kadagiti para publiko a lugar. Mabalin met nga agilako dagiti pasdek negosyo iti Surfing Capital of the North ngem masapol nga iti uneg ti silid nga inomen ti arak.
Maipalubos payen ti agdigos iti baybay ken karayan ngem kasapolan latta ti pannakaipatungpal dagiti health protocol.
Naibilin metten kadagiti Barangay Officials ken dagiti otoridad iti lalaunen ti EO.
