LA UNION – Kinumpirma ni AFP chief of staff Gen. Romeo Brawner a temporaryo a masukatan dagiti existing military personnel a naka deploy iti sidong ti Vice President Security and Protection Group (VPSPG).
Kinuna ni Brawner a masukatan da ti contingent manipud AFP ken PNP.
Inlawlawag ni Brawner, a gapu daytoy iti naawat da a subpoena manipud PNP nga ipasidong iti imbestigasyon dagiti nasao a kameng ti VPSPG.
Immuna a kinumpirma ti PNP a nangipila ti reklamo a direct assault, disobedience, ken grave coercion kontra kenni Vice President Duterte ken dagiti security officers nga idaulwan ni Colonel Raymund Dante Lachica, idiay Quezon City’s Prosecutor’s Office.
Nagramot daytoy iti inaramid da a disruption idiay House of Representatives Detention Center ken Veterans Memorial Medical Center (VMMC) nga adda pakainaiganna iti pannakai-ditine ti chief of staff ni Duterte a ni Atty. Zuleika Lopez.
Kabayatanna, pinaglibakan met ni Brawner nga i-take over na iti VP SPG.
Imbaga ti chief of staff a saanna a kabaelan a tutukan agsipudta adu ti ar-aramidenna kas mangidadaulo iti puwersa militar ti Pilipinas.
Ngem agtalinaed kunana iti sidong ti panangimaton ti Presidential Security Command iti VPSPG.
Inlawlawag ni Brawner a ti trabaho da ket depensaan iti Constitution ken protektaran dagiti umili a Filipino.
